مواد الفرقة الأولى تاريخ

استعرض الموضوع السابق استعرض الموضوع التالي اذهب الى الأسفل

مواد الفرقة الأولى تاريخ

مُساهمة من طرف asmaa mamoon في الأربعاء سبتمبر 23, 2009 8:08 pm

أهلا بكل طلبة الفرقة الأولى فى كلية الدراسات الإنسانية ف قسم التاريخ وباقدملهم النهارده المواد المقرة عليهم ف السنة الأولى و بعض الدكاترة اللى كانوا بيقوموا على تقديم الحاضرات فيها السنة اللى فاتت:
مواد الترم الأول:
1- مناهج البحث فى التاريخ القديم.د.محمد فهمى عبد الباقى :
و المادة دى بتتكلم عن التاريخ واهميته بين العلوم وعلاقته بغيرة من العلوم وعن المواضيع اللى بيضمها علم التاريخ وايه هى اهم مواصفات المؤرخ والمدارس التاريخية كمان بيقدم أنواع الكتابات التاريخية عند بعض الشعوب طبعا الكتاب مش بيتكلم عن الحاجات دى وبس بس انا حبيت اديلكوا فكرة .
2- تاريخ مصر القديمة.د فتحى عفيفى بدوى:
والكتاب ده بيتكلم عن موضوعين اولهم الحضارات القديمة والعصور التاريخية من اول حضارات ما قبل التاريخ مرورا بالعصو رالتاريخية ودى الحضارات اللى مرت على بلاد الرافدين وعلى فكرة المادة دى ممكن تشتروا اى كتاب من مكتبة عامة وتقروا عن المرحلة دى وهيكون عندكوا معلومات كويسة عن المادة دى لما تدخلوا الجامعة انشاء الله لأن الكتاب - أى كتاب جامعى عموما - ممكن يتأخر شوية وماينزلش اول السنة ع طول أما بقى الجزء التانى من الكتاب فبيتكلم عن الحضارات القديمة اللى مرت بمصر بس وبيتكلم عن أنواع الكتابات المصرية القديمة وعصور ما قبل التاريخ وعصر بداية الأسرات والدولة القديمة وعصر الإنتقال الأول والدولة الوسطى والحديثة والعصور المتأخرة وأى حد عايزيقرا عن موضوع الكتاب من برة يبقى يختار الكتب اللى بتتكلم باختصار لأن التعمق فيها وانتوا لسه طلبة مبتدئين هيضر أكتر ما يفيد .
3-تارخ الإغريق والرومان.دصفاء محمد على:
و الكتاب دة بيتكلم عن حضارة اليونان القديمة وازاى اصلا نشات وجغرافيتها ومناخها وسكانها وعاداتها وتقاليدهاوكمان بيتكلم عن روما ف نفس المواضيع تقريبا اللى بيتكلم عنها تاريخ اليونان .
4- تاريخ الأنبياء.د.محمد خالد:
و الكتاب دة بيتكلم عن تاريخ الأنبياء من أول سيدنا آدم لحد سيدنا محمد -ص- وكمان بيتكلم عن بعض الشبهات والإشاعات اللى طلعت عليهم ف عصرهم وف وقتناالحاضروالرد كمان عليها ولو عايزين المصادر اللى جه منها الكتاب ده ممكن تقروا ف كتاب ابن كثير ف أى مكتبة عامة ممكن تلاقوا الأجزاء كاملة بس زى ما قولتلكوا ما تتعمقوش اوى انتوا مش مطلوب منكوا كتير ف سنة اولى .
5- السيرة النبوية:
والكتب دة بيتكلم عن سيرة المصطفى لحد مرحلة الدعوة وانتشار الإسلام و الغزوات اللى قام -ص- بيها لحد وفاته.
6- اللغة الانجليزية :
ما تتخضوش اوى لما تعرفوا انكوا هتتدرسوا انجليزى تانى لانه سهل جدا ف الجامعة وبتدخوا الاساسيات بس وهتبقى مادة سهلة انشاء الله....................يتبع
avatar
asmaa mamoon

المساهمات : 6
تاريخ التسجيل : 23/09/2009
العمر : 27
الموقع : www.smsmloveemo@yahoo.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مواد الفرقة الأولى تاريخ

مُساهمة من طرف asmaa mamoon في الخميس سبتمبر 24, 2009 1:27 pm

مواد الترم الثانى:
1- نحو وصرف :والمادة دى بتاخدوا فيها نبذات مختصرة عن كل القواعد النحوية والصرفية اللى خدتوها قبل كدة .
2- الفقه الإسلامى :
والكتاب دة زيه زى اى كتاب ف الفقه درستوه قبل كده بينقسم لقسمين عبادات و معاملات بس رغم ضخامة الكتاب إلا انكوا مش هاتخدوه كله .
3- العقيدة والأخلاق:
و الكتاب دة قسمين قسم عن التوحيد وقسم عن الأخلاق والفضائل وبرده زيه زى الفقه كبير بس مش هاتخدوه كله .
4- تاريخ الخلفاء الراشدين :
والمادة دى بتتكلم عن نشاة الخلافة الإسلامية وحياة الخلفاء الراشدين كل واحد على حدة واهم اعماله وازاى تولى الخلافة لحد وفاته وتولى اللى بعده وهكذا.
5-مصر فى العصر البيزنطى:
والكتاب دة بيتكلم الفترة اللى تولى فيها الرومان حكم مصر والصراعات اللى اتعرضت ليها الإمبراطورية الرومانية ف الوقت ده وكمان صراع الديانة المسيحية ف اول ظهورها والنظم اللى كانت موجودة ف مصر ف عهدهم.
6-تاريخ مصر فى العصرين اليونانى والرومانى :
و الكتاب دة متخصص بس فى دراسة الفترة اللى تواجد فيها البطالمة و الرومان من بعدهم ف مصر والنظم والقوانين اللى كانت ماشية علها مصر ف عهدهم وهتلاقوا اكيد نقط مشتركة ما بين المادة دى والمادة اللى قبلها - مصر فى العصرالبيزنطى-.
7 - قران كريم :
والمقرر عليكوا ف السنة دى خمس اجزاء من اول جزء عم لحد الأحقاف.
و دى تقريبا كل المواد المقررة على الفرقة الأولى تاريخ ترم أول وتانى يا ريت كل الأعضاء يعملوا زيى كدة ويشرحوا ع الموقع المواد اللى كانوا بياخدوها السنى اللى فاتت..........
avatar
asmaa mamoon

المساهمات : 6
تاريخ التسجيل : 23/09/2009
العمر : 27
الموقع : www.smsmloveemo@yahoo.com

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى